Equitación
de Xis
TEQU
Ilustracións e fotografía
Cabaleiro e trobador, fillo de Soeiro Ares e de María Afonso, filla
bastarda de Afonso VIII (non IX, ordinal utilizado pola historiografía española)
de León e de Galiza (rex Legionensium et Gallecie) e Teresa Xil de Soverosa. Existe
algunha documentación na que a súa liñaxe atoparíase na bisbarra de Tabeirós
(Terra de Montes, Pontevedra), onde se levanta o Mosteiro de Santa María de
Aciveiro.
 |
| Mosteiro de Santa María de Aciveiro |
Parece ser que participou
co seu irmán Pero Soares, na conquista de Sevilla (1248) pois na repartición do
botín aparecen os seus nomes. Esta referencia sitúa a súa actividade
entre 1225 e 1250. Por outra banda, en 1262 estaría aínda vivo, xa que figura
no testamento da súa muller, Teresa Anes de Deza.
Diste trobador só
conservamos una cantiga de escarnio e maldizer na que una dona viúva dun home
rico, aplícase o coñecido refrán "gato escaldado de auga fría ten
medo", recusaba un bo partido, preferindo un marido aínda máis novo e robusto.
 |
| No Cancioneiro da Biblioteca Nacional de Lisboa |
Afonso Soares Sança fez esta cantiga
d'escarnh'e mal dizer e diz assi:
Poren Tareija Lópiz non quer Pero Marinho:
pero x' el é mancebo, quer-x' ela mais
meninho.
Non casará con ele nen polos seus dinheiros;
e esto saben donas e saben cavaleiros,
ca dos escarmentados se fazen mais ardeiros.
Poren Tareija Lópiz non quer Pero Marinho:
pero x' el é mancebo,quer-x' ela mais meninho.
 |
| No Cancioneiro da Vaticana |
Non casará con ele, pola cobrir d' alfolas,
nen polos seus dinheiros velhos, que ten nas
olas;
o que perdeu nos alhos quer cobrar nas
cebolas.
Poren Tareija Lópiz non quer Pero Marinho:
pero x' el é mancebo,quer x' ela mais meninho.
Non casará con ele por ouro nen por prata,
nen por panos de seda,quant' é por escarlata,
ca dona de capelo de todo mal se cata.
Poren Tareija Lópiz non quer Pero Marinho:
pero x' el é mancebo, quer-x' ela mais
meninho.