Lois Edal
Stepan Magomedov (ilustracións)
En efecto, as ideas
son necesariamente substancias e non atributos,
doutro modo
participarían do seu suxeito.
Metafísica.
ARISTÓTELES
Aristóteles, ou polo menos, a súa temporalidade non existen.
Aquel estar no tempo de ser o que son, á vez foron
equivalencia e semellanza dun exemplo expositivo superficial e de aí o seu
valor físico. Como salto físico introduce a previsión da temporalidade, os
contraditorios recursos de dicir que toda lóxica é unicamente aparente.
A xeometría da síntese permanece como obxecto, ca condición
de que exista en paralelo unha aritmética cuxas cousas sexan pulsos cuánticos
dun tempo que aínda non existe e que tampouco chegará a ser futuro.
O dixital determina a abstracción da exactitude de dar por
suposto que a realidade nunca será cuantificada, nin obxectiva aínda que como
obxecto poida parecernos cualitativamente un suceso.