Fernán Arnís
(texto e ilustracións)
Os inmortais deuses do Pindo daban voltas nas lapas, mentres
as correntes oceánicas, cos seus infinitos ollos de vento rían e pechaban as
portas da terra.
O verán de variados cores
abandonado polos homes
atravesado polas cordas cambadas
do lume e as palabras violentas
do loureiro ca oca tristura
das flores cortadas para os cementerios
sexualidade da auga e lóstregos desde as penas
as mortais olladas de toda clase
estaban presentes na hora do lume
día e noite tapados con escudos
para a ocasión das lapas
Aloumiños e gargalladas vellas da mar
alimentos sobre os que derramar máis aceite
sobre os ben coroados deuses do Pindo
canto máis afastados e malvados